ئێوارەی ڕۆژی پێنجشەممە ٢٠/ ٠٣/ ٢٠٢٥، سەنتەری زەھاوی بۆ لێکۆڵینەوەی فیکریی، ئێوارەخوانێك و سیمینارێكی زانستیی بە ناونیشانی «ئیمامی بوخاری و میتۆدی نووسینەوەی سەحیحەكەی» بۆ بەڕێز دکتۆر (ئیبراهیم ئەمین جاف) لە ھۆڵی ئوتێل تایتانیك لە سلێمانی ڕێکخست، تێیدا بەڕێزیان دید و ڕاڤەیەکی ورد و زانستیی بۆ بابەتەکە خستەڕوو و جەختی لەسەر پێگە و گەورەیی و میتۆدی بەرزی ئیمامی بوخاری کردەوە، هەروەها باسی لە سەردەمی ژیانی ئەو زانا گەورەیە كرد.
جێی ئاماژەیە بەڕێزیان پسپۆڕی فەرموودەناسی و مێژووی ئیسلامییە و چەندین بەرهەمیی زانستیی لەو بارەیەوە چاپ و بڵاوكردۆتەوە.
دواتر بەشداربووانیش بە پرسیار و گفتوگۆ و ھاتنەناوەوەکانیان باسەکەیان دەوڵەمەندتر کرد و سپاسی سەنتەری زەهاوییان كرد و داوای بەردەوامیی ئەم جۆرە چالاكییانەیان كرد.
لە بەشێكی تری چالاكییەكەدا نمرەی سمستەری دووەمی ڕاوندی سێیەمی خولی پەرەپێدانی هرز بە بەشداربووانی بەخشرا و وێنەی یادگارییان لەگەڵ مامۆستایانی خولەكەدا چركاند.
