سەنتەری زەهاوی بۆ لێکۆڵینەوەی فیکریی، بە هاوبەشیی لەگەڵ کولێژی زانستە ئیسلامییەکانی
زانکۆی سلێمانی، خولی میتۆدەکانی توێژینەوەی زانستیی بۆ خوێندکارانی خوێندنی باڵا/ ماستەر كردەوە. خولەكە بۆ گرووپی دووەم بە كۆتا گەیشت، كە تێیدا نزیكه‌ی (60) شه‌ست خوێندكاری ماسته‌ر به‌هره‌مه‌ند بوون.
جێی ئاماژەیە، خولەکە بۆ دوو گروپ کراوەتەوە; گرووپی دووەم له25/ 8/ 2024دەستیپێکرد و ئەمڕۆ بەپایان گەیشت.
ئەمڕۆ لە كۆتایی خوله‌كه بۆ گرووپی دووەم وتەیەک لەلایەن د.سەباح بەرزنجی سەرۆکی سەنتەر و د. ئیسماعیل محەمەد جەلال، سەرۆكی بەشی پەروەردە لە كۆلیجی زانستە ئیسلامییەکان پێشکەشکراو تێدا بەڕێزیان بە ناوی كۆلیجەوە سپاس و دەستخۆشیی ئاڕاستەی سەنتەر زەهاوی کردو هیوای خواست ئەم جۆرە چالاکی و خولانە بەردەوامییان هەبێت.
لە كۆتاییدا بڕوانامەی بەشداریكردن بە بەشداربووان بەخشرا.
شیاوی باسه، لە خوله‌كەدا به‌شداربووان چەندین وانە و ڕێنمایی پێویستی نوسینی ئه‌كادیمیی وه‌رده‌گرن.
ماوەتەوە بڵێین ئەم خولە یەکێکە چالاکییە بەردەوامەکانی سەنتەری زەهاوی لەگەڵ زانکۆ و دەزگا ئەکادیمی و زانستییه‌كانی كوردستان، کە بەردەوام بۆ خزمەتی فێرخوازان ڕێکیدەخات.
