ب حێبەتی ڤە گۆتە من: رێڤەبەرنا نڤێژێ؟ ئەرێ ما نڤێژێ رێڤەبرن هەیە؟! من گۆت: ئەگەر رێڤەبرن د كارێن دنیایێ دا بهێتە خواندن داكو باشترین وەبەرهێنان تێدا بهێتەكرن، و هەر چەندا وان بڤێت ژێ قازانج بكن، كو قازانجەكا ژناڤچووییە، بۆچی بۆ كارێن رۆژا دویماهیێ كارگێری نەبتن، ب باشترین شێوە وەبەرهێنانێ تێدا كەین، و مەزنترین قازانج ژێ ب دەستڤەبینین، بۆچی نە و قازانجەكێ هەروهەرە، و خەلاتەكە چ جاران كێماسی ناكەڤیتێ؟ ئەرێ ما كارەك ژ هەژیتر هەیە ژ وەبەرهێنانێ، و رێڤەبرنەكا باش، و پاشەكەوتكرنێ، ژ كارەكێ ئێكانە وەكی نڤێژەكا خێرا دنیا و ئاخرەتێ لگەل ئێك بۆ دڤێتن؟
