ئەم کتێبە دید و بۆچوون و میتۆدی مسوڵمانان لە نووسینەوەی مێژوودا دەخاتە پێشچاو، لە هەمان كاتدا بەراوردێكە لە نێوان نووسینەوەی مێژوو لەسەر دەستی مێژوونووسە مسوڵمانەكان لەلایەك و مێژوونووسە ڕۆژهەڵاتناس و ڕۆژئاواییەكان لە لایەكی ترەوە.
نووسەر لەبەشەکانى ئەم کتێبەدا دەگاتە ئەو ڕاستییەى کە لە دوای ئەوەی لە جیهانی هاوچەرخماندا چەندین میتۆدی (لادەر) كاروباری هزری مێژوویان لە شارستانیەتی ئیسلامیدا شێواندووە و چەندین هەوری تاریكیان لە ئاسۆیدا وێنا كردوە، بە جۆرێك ڕەسەنایەتی و گشتگیریی ون كردووە، بۆیە لە نووسینەوەی مێژوودا گەڕانەوە بۆ میتۆدی ئیسلامی پێویستییەکى هاوچەرخە.
