ڕۆژی پێنجشەممە 4.12.2025، سەنتەری زەهاوی بۆ لێکۆڵینەوەی فیکریی لە هۆڵی زەهاوی لە سلێمانی، سیمینارێكی بە ناونیشانی (خوێندنەوەیەك بۆ ڕیزبەندیی و ئامانجی سورەتەكان لە قورئانی پیرۆزدا: سورەتی (البقرة) تا (الأنعام) بە نموونە) بۆ بەڕێز خاتوو مامۆستا (ئامینە صدیق عبدالعزیز) سازكرد، تێیدا بەڕێزیان بە وردی تیشكی خستەسەر حیكمەت و مەبەستەكانی ڕیزبەندیی سورەتەكانی قورئانی پیرۆز و چەندین ڕەهەندی ئیمانیی و ئیداریی و فەلسەفیی و یاسایی باسەكەی شیكردەوە. لە كۆتاییدا بەشداربووان بە پرسیار و تێچێنەكانیان بابەتەكەیان دەوڵەمەندتر كرد.
