سەنتەری زەهاوی بەهاوبەشیی زانکۆی سلێمانی لە ڕۆژانی شەممە و یەکشەممە، ٢٥-٢٦/ ٦/ ٢٠٢٢، لە ھۆڵی سەنتەر، خولی ڕێکار و میتۆدەکانی توێژینەوەی زانستی بۆ کۆمەڵێک خوێندکار کردەوە.
لەم خولەدا، کە بە هاوبەشی کۆلیژی زانستە ئیسلامییەکانی زانکۆی سلێمانی ئەنجامدرا، خوێندکارانی خوێندنی باڵا/ ماستەر، ١٤ کاژێر وانەی چڕوپریان سەبارەت بە میتۆد و ڕێگاکانی توێژینەوەی زانستی وەرگرت، کە لەلایەن (٧) مامۆستای زانکۆوە پێشکەشکران.
شایەنی باسە دواتر خوێندکاران بڕوانامەی بەشداریکردنیان لەلایەن سەنتەری زەهاوییەوە وەرگرت، ئەوانیش داوایان کرد ئەم خولانەی سەنتەری زەهاوی بەردەوامییان هەبێت.
