ئێستا سەردەمی دامەزراوە و دامەزراوەییبوونە؛ ئاستی پەرەسەندنی هەر کۆمەڵگە یان ژیارێک بە ئاستی دامەزراوەکانییەوە بەندە؛ ئەگەر دامەزراوەکانی پێشکەوتوو و جێگیر بن و خواست و پێداویستییەکانی کۆمەڵگە بەپێی قۆناغە جیاوازەکانی تێر بکەن، ئەوا وزە و تواناکانیان بەزایە ناچێت و بەخێرایی هەنگاو بۆ پێشەوە دەنێن، پێچەوانەی ئەمەش راستە. هەنووکە زیاتر لە هەر کاتێک پێویستیمان بە دامەزراوە و دامەزراوەییبوونە، پێویستە گرنگی بەم بوارە بدەین بۆ ئەوەی دامودەزگاکانمان جێگیری و پەرەسەندن لەیەک کاتدا بەخۆیانەوە ببینن و تواناکان بە فیڕۆ نەچن.
